漁樂十猛男，南遊愛作戰!

漁樂十猛男，南遊愛作戰!

又係好唔容易咁又夠人數，又在種種颱風，低氣壓下我地又順利出發去了，在此真是要多謝各位團友頂力支持，付出多dd….

講到明係南遊團咁收穫就一定唔會有保障啦，以十個團友當中，阿仲哥同老蛇既收穫就最差，仲哥淨係得两條紅油同一條黃鯺, 老蛇就仲差就少仲哥一條紅油，多一條類似煙仔物體，你話去南油遠井喎，有咁既收獲你話係唔係差呀!

至於其餘果八個團友就因為未去過南油，所以就只希望見識一下南油究竟係咩既鬼地方，順道遊吓船河，嘔過痛快罷了，所以嚴格來講就只係得佢二人釣魚，其他人就只係佢地釣魚。　(你話慘唔慘呀)

就係咁既釣況， 再唔講吓飲食，講吓是非，講吓人就真係無咩好講呀。
不過此行隨咗釣魚之外，其實一切都叫做可以呀，未釣魚先有章糊刺身，睇吓師傅手勢幾好，手起刀落幾吓手勢就已經有得食呀。
師傅出馬





大紅油起片

  



  

  看海愛吹水呀





  作釣時間開始

  

  

絶對唔係隔晚疍呀!
海帶綠豆糖水加雙疍



  仲哥撈粗嘢

[ 此帖由ymtchris在2012-08-10 14:24重新修改 ]

喱次釣遊，雖然係就係無咩魚釣到，但係居然就比我地發現到漁網《兩性關係導師》就係魚網Santino – 看海大師呀。連Santino最撚手既45度角都比佢耍到出神入化、出化入極呀，自創45度角提竿收魚，掂呀! 還要念念有詞咁樣去收就事半功倍包中呀。其念念有詞既咒語為 “ 放佢百六、七米絲，再收佢三、四十米，中呀。)事實都係擺在眼前呀，洗眼者 (即目擊証人) 包括本人、老蛇、掌佬。


  夕陽無限好只要近黃昏呀!

紅油煲粥

而大家如果仲有小小印象的話，阿三色台Santino仲有一樣殺食嘢，就係同對手玩心理戰呀! 吊果獵物癮。而魚網Santino – 看海大師，對心理戰就一鬼樣咁撚手呀! 放流釣魚就一定要清杯呀，如果唔係你就無運行啦。而信不信由你，反正我信了，而每當阿看海大師放流清杯得番個結既時候，佢老人家就有魚訊了。一晚七口線就收條半，你都咪當佢流呀。
魚網Santino中魚呀

全船收獲

看海大師小心流咗第三條魚出嚟呀!

嚟過大合照先.

雖然這次既收獲就唔係太過理想，但是能夠一睹魚網Santino既風采和一眾團友有笑有說亦都可以說一種經歷，一種體驗，都算係咁啦…..
而南油又要明年再見呀!