(代會員shida補發文章)
7月22号晚已经谷左成晚气拉,仲乜鱼都钓唔到,点都唔甘心既拉,好,返去,第日再战
第日去到横琴,听到话有间新开钓鱼场----姜太公钓鱼,以为新开,为左口碑,滴塘佬都唔会太绝既,一大早去到个塘,加埋我同另外一个钓友共有七个人,不过有两个好快就走左,净低五个
既来之则安之,既然系新塘,米试下罗,系都比你昆一次者,总唔会有第次瓜
钓左一个上午,五个人平均钓得一,两条,中午根本无鱼汛,于是有个啊伯就叫个塘佬开泵氧机,点知个塘佬话部机坏左
都后来个啊伯已经恼到顶唔顺,不断系度闹个车佬:大家甘熟,仲带我来呢地无鱼钓既塘钓鱼,连我都昆.仲不断要求个塘佬退返五十蚊,要求走人.个死塘佬就系度拖下拖下,一阵个泵氧机就开左,不过无睇到有人来整过
到下午5,6点准备执野走,滴人无不怨声载道:重来无好似今日钓无到鱼既,点都有返7,8条拉,以后唔使钱叫我来都唔来啊 ~~~~~
姜太公钓鱼,哼,我睇当班钓鱼佬系水鱼瓜
走之后先得知,原来个鱼塘系横琴班车佬一起搞既,摆明又系间黑店
大家以后小心拉
大家一样系中国人,都唔知点解有滴人既素质会甘低.有人话中国人系狗,有时未必都唔岩既
大家有乜心水鱼塘,不妨分享下,等我地以后都唔使比人昆啊,钓鱼,为左开心者,唔使话鱼钓唔到,但系又谷左成肚气
