漁樂FM台活動

各位院友, 當你第一眼睇到呢張帖既題目千祈唔好以為系果d某某電台搞緊d咩咩活動播. 只不過系今日約同三位師兄們出去釣魚. 而佢地分別系排名不分先後但系唔知忠奸左右既: FM, 台灣仔, 活活, 動物園經理(zoo). 所以痕痕地就用左黎做題目咯.

轉入正題: 今日由於東區將進行大型釣魚比賽, 所以我地一行4人看風駛悝決定出發圍釣, 目標地點系崖南. 如是者眾人7點15分過關集合上車, 先去白藤頭準備一切前奏功夫. 系呢度順帶報一報所悉街市行情: 基圍蝦50蚊斤, 重皮蟹80蚊斤, 藍尾白15蚊斤. 我地為求經濟效益同埋想日後食少幾餐方便面,  3秒內就決定買左3斤藍尾白.

上車後車行約個多小時後到達釣場, 全個圍加埋我地只有10人左右wor. 今次發達咯, 真系369可以周圍滾啊. 10點正, 事不而遲, FM台活動分2人一組各佔據有利地點開始作釣. 上午戰果: 活動組釣上2條共重3.8kg既白花鱸, 1條0.5kg既牛屎及多條手板黃腳, 而FM台組亦同樣釣得數條黃腳及斤裝鱸魚. 下午1點幾突然聽到FM台組慘叫一聲, 轉過頭望去原來阿台灣仔中左條大鱸, 正在奮力抗奸........ 人同魚最後角力10分鐘左右, 台灣仔終於力保貞操....打錯...系力保不失先真. 成功將條大鱸制伏, 經過電子磅一秤, 重量為5.45kg. 破個人最佳記錄. . 亦將會申請進入2010年度大魚龍虎榜.

好, 去片先.........

      

精彩精彩   

    

嘩~爽呀~過足手引~       

        

唉~~~~~~~~~~~~~~~~~~~~~~~

引用

引用第  78  樓  常滿  於  2010-01-11 19:41   發表的  :
清湯羊6鱸魚片,正!多謝你地碟魚片       

我地都多謝你送果碟豉汁蒸嚌魚. 好好味~