好耐都無發貼! 因為依家好小離澳釣魚. 澳門水又蕉左好耐, 不過尋日同個 fd 約好下午3:00左右出發去紅 x 彎 (成大半年無去過 - 因為多左去西湖). 去到發現 紅 x 彎 好似成個 "廢墟" 咁, 簡直可以用 "慘不忍睹" 來形容: 星期日, 竟然一個人都無!!! 
個條搭出黎的長木橋斷開幾段! 俾人企個的木台同樣十個有九個都是爛的! 個的板一踏就快爛咁! 好似俾人蹂躪過咁, 個老闆不知所踪, 得番事頭婆系度, 唔知系咪早排個兩個台風搞成佢咁! 
雖然系咁, 但我地由下午4:00 一直釣到約晚上 10:00. 共有七條魚進賬: 2條紅鮪 (斤頭), 4條黃腳, 1條小釘公. 最可惜的是: 我甩左兩口大物. 我估計過 3斤或以上. 一次俾佢咬甩線, 第二次最興奮: 正當我同個 fd 講緊野個陣, 個浮波好快咁消失, 我即時想拿起支竹, 點知條魚已經好快咁連我支竹都拉出去, 好彩執得佢住. 系半拉半扯之間, 已經感受到佢的重量. 條線已經俾佢扯到去對面長橋那邊, 為免入桩, 唯有拉緊, 最終甩口收場, 不過過程好刺激! 走時, 周圍黑媽媽, 個老闆同事頭婆又走埋, 無車走! 唯有出去路口搞掂. 不過, 都算是唔錯的一日!!! 
描述:真系慘不忍睹, 條橋斷成咁! 唉......
點擊看大圖:P310808_18.32.jpg
描述:點解得四條? 因為有兩條細鱲俾左人, 釘公放左!
點擊看大圖:P010908_01.13.jpg
