為左測試鱸魚係一年之內既開口程況 , 所以呢幾個月黎都陸續咁去唔同既圍度試釣 , 希望盡量收集多一點資料 , 於是前晚去完中秋網聚之後 , 就即刻同左老豆兩個人去橫琴秘圍釣魚 , 去到都成 12 點 , 本來想即刻出船 , 但係咁o岩閘口又入緊水 , 即管試下有冇鱸魚埋閘口都好 , 由遠到近深到淺都試勻曬 , 一口魚訊都無 , 仲掛埋隻 owner vib 添 .... 於是決定出船..... 由於當晚好大風 , 又要自己爬艇... 辛苦到鬼咁 , 爬左半個圍既範圍就算數 , 可惜又係一條鱸魚既影都見唔到 .... 成晚係咁拋係咁拋 ... 都係得個吉 , 臨天光都係返埋閘頭附近釣下好過 ~
先試下會唔會好似上次咁有咁多紅鮋釣 , 不過今次水位高左 , 就用隻 sinking minnow 去搞搞佢 , 初時勻速拖都無咬過 , 於是試下慢拖再加 d 動作 , 係收到差唔多脫邊 , 突然搶餌 , 條魚係咁飛入石窿度 , 好彩枝 G4 夠硬 , 死都出盡力頂住佢 , 半吋不放 , 近距離中到 d 惡魚真係特別好玩 , 上到水先發覺個勾都有少少拉開左 ^^ 條紅鮋都差唔多有 40 cm , good size ~ 但可惜只得一條 , 之後老豆用生蝦中左條鱸仔 , 見有鱸魚開口, 即刻試下有冇得玩先 , 換左隻大眼仔落去 , 搞左一圈就睇住條鱸衝上黎咬住隻假餌 , woo 刺激 ~~ 不過係鱸仔 .... 之後轉玩 pencil la , 可惜搞左幾口都唔中 .... 激死人 ~ 好快 d 鱸仔又游走曬 , 又開始無野玩 ...
之後見船家出去收完網返黎 , 就拿拿聲叫船家出船 , 改行釣立 , 原來呢個圍有好多巨立 .... 中親 d 黃腳都有七成係大腳板 size , 我仲中左條34 cm 既大黃腳 , 而且特別好力 , 條條立都弓到我枝月下美人滿弓仲要頂廿幾秒先上到水..... 唔知係咪水比較深既關系呢 ..... 個個釣點都成兩米幾三米深 , 弓起上黎特別好飛 , 完全有中紅鮋既 feel
點擊看大圖:Image00001.jpg
點擊看大圖:Image00002.jpg
點擊看大圖:Image00003.jpg