今日一行9人去魚排玩, 有friend帶左去西貢XX灣魚排, 初期無特別, 有D魚毛消餌, 中午左右中條疏羅, 跟住到午飯時間就大鑊, 開始有D細船, 遊艇駛入黎泊排食飯, 最弊全部亂咁黎, 係個排中間照插入黎, 期間不停大小船隻穿梭魚排中, 蔚為奇觀, 重繁忙過維港, 全部人俾佢地剎一個措手不及, 搞到無Q晒癮, 大佬果度成30,40呎水, 攪到又收又放, 好似出左南油玩Jigging咁, 有友人提出不如去叫野食, 我就話不如攞塊鐵板出黎用好過, 都好啦橫掂無魚釣又辛苦成日收絲避船, 好彩我都叫精靈一路食一路睇住, 因為知道D人無性, 突然間食食吓麵受到第六感駒使抬頭一望, 成隻40, 50呎遊艇沿魚排中間直標入黎, 本能反應立即放低碗麵跟住一個箭步衝前, 點知有一個黑影俾我更快, 原來係條PK員工見到有客到, 說時遲那時快, 條PK員工二話不說, 將我地D魚杆掉落地下, 我即刻氣提丹田大喊一聲叫條契弟停手, 喂大佬磯杆黎架, 你估晾衫竹啊, 跟住即刻又一條狗哥搖住條尾行過黎, 佢隻畜牲以為有客到即刻一輪咀咁係到介紹今日有D什麼生猛海鮮, 什麼撚手小菜, 見佢口沬橫飛十足職業孝子咁款, 點知船上班友重PK, 泊埋黎唔知想點, 又唔熄幅偈, 我見船上有老有嫩, 好似係度獻世咁款, 又唔係上排食飯, 都唔知做mud Q, 眼見兩條茂利員工有如遭受主人責罵的小狗般極之無引地走開, 我地見無野玩就收杆走人, 連個位都比埋佢地慢慢泊, 今日好似以為自己去咗深水灣遊艇會咁, 以後一定唔會再去果度釣魚, 就算大咬都係咁話。
[ 此貼被yau.在2008-03-24 00:57重新編輯 ]
