係4月6號ge一大清早 , 有我 , 小龍 , 阿保 , Kenny , 強尼 , 肥仔 6個人 , 因為早前已在大陸訂下一些魚 , 我同阿保就先去取魚 , 肥仔佢地就去搵埋肥仔司機會合我地 , 我同阿保一去到魚鋪不需20分鐘就搞掂哂 , 去搵埋肥仔佢地就行得 gogogo ~ 先花一點點時間入白藤頭買一些日用品 , 小食飲品 , 海鮮晚餐 , 買了兩條大鯰魚 , 一些蝦 …. 之後趕快上車以時速平均70-90km 行走 , 不久就到了網山水庫啦 , 一上到去雖然有小小風 , 但都不敵我地ge戰意 , 唔好講咁多 , 第一時間放魚先 , 因為水溫有差別 , so 要先浸袋 , 令水溫大致一致 , 慢慢開始放魚 , 今次魚種就多啦 ^^ , 有 紅鰭側 , 黑豬 , 東洋刀 , 射水魚 , 大白鯊 , 紅老虎 , 一帆風順 , 50條錦鯉 , 短咀鱷 , 虎鯊 , 紅魔鬼 , 鱘龍 ….. 放完之後就緊係拿拿聲開d粉打定個窩先 , 之後慢慢開傢生 , 一開始頭戈幾竿不斷比馬口煩住 , 肥仔先釣馬口一條 , 之後阿保再中白鯽同南刀 , 早排所放ge南刀終於開口啦 , 阿保仲打起雙飛 ^^ , 之後就到我中白鯽 , 最神奇ge就係岩岩放ge錦鯉仔景然開口 , 阿保都笑一笑 ^^ , 之後又比我中番條鯉魚 , 唔錯唔錯幾好玩 , 又到小龍中小鯉魚 , 真係開心 , 之後肥仔弓魚弓得都不知幾投入 , 又白鯽 , 又鯉魚 , 又有型 , 今年最佳做型獎仲唔係你 , 之後就一定係到強尼中啦 ^^ 原來係白鯽一條 , 講講下好似小左個人 , 你地估唔估到你邊個呢 ? 今次最威緊係佢啦 , 之後就精彩啦 , 係咁多個人都無哂魚訊之際 , Kenny 突然傳尼一下明顯魚訊 , 一揪 , 好好力 , 唔洗驚有失手繩同氣水樽 , 放心弓啦 ^^ , 睇尼魚型不小 , 5分鐘都仲未見到魚影 , 之後肥仔接手頂左幾手 , 又比我玩左一輪 , 開始見到魚影啦 , 都不細呀 , 之後到阿保接手玩 , 嘩 , 阿保用盡9牛2虎之力係咁頂佢 , 最後就緊係比番主角上魚傢啦 , 肥仔就囉定個抄網諗住抄它媽 ^^ , 上到水 , 嘩唔細 , 有7 斤多呀 , 無睇佢唔係好大 , 但都幾重手 , 之後影完相第一時間緊係放生啦 , 之後下就都係你一條我一條 , 白鯽魚訊最多 , 多到無法影得哂 ^^ , 到左夜晚我就同阿保去玩夜水 , 佢地就係入邊玩紙牌 , 原來白鯽夜晚係好力好多 , 日頭未試過一斤size 可以爆到響哂線 , 真係過癮 , 玩左兩個鐘我地都係入番去耡d , 有獎有罰 , 玩到成點先訓 ^^ , 親手做的吞拿魚肉加了夾心餅 , 之後第日一起身 , 食過個面之後就開始釣魚啦 , 見到個面入邊隻豬仔頭真係幾想笑 ^^ , 之後我先中非 , 之後阿保起左身之後就玩爆炸勾 , 都有小白鯽釣到 , 之後肥仔又中白鯽 , 強尼又中 , 小龍 , Kenny 都中 , 全世界都中 ^^ , 個個都玩得好開心 , 下就我就同阿保出船 , 諗住玩下假餌 , 而肥仔佢地全人類就步兵 , 我同阿保玩左一陣已經想走 , 太大風啦 , 去戈時都話好d , 有風吹下 , 返戈時就死囉 , 對頭風 , 我同阿保爬到我地 , 真係有d想死 ^^ , 之後番到去將餘下時間玩台釣 , 4點到車就到啦 , 好野 , 收野 , 今次復活節假期總算無白過 , 大家成班齊哇哇一齊出去釣下魚 , 散下心 , 真係唔錯 , 之後番到大陸諗住一齊去食飯 , 但強尼同kenny又約了女友 , 去不到 , 唯有得番我地4個啦 , 我地去左打邊爐 , 又叫左兩打燒生蠔 超正 , 又秋刀魚 , 又骨煲 , 又牛肉又羊肉 等等 ~
唔講咁多 , 大家都好心急 , 去片 ^^
[ 此貼被dacky在2007-04-12 02:20重新編輯 ]