我係fishingmacau.com一向都係CD ROM, 齋睇唔發言. 所以剛註冊, 如果有人話我係變換身份去發言的話it’s fine, 我唔介意, 各人有發言嘅自由.
咁點解我而家又拿拿臨註冊係到講嘢? 因為我都係當日係佳記同場釣魚嘅人. 因為我相信只有當日同場十多個釣魚嘅人先致明白同埋最有權討論呢件事, 其他人憑著以往係佳記釣魚嘅經驗來講就冇得講, 係Apple to Orange, 唔對口.
釣魚當日係2007年3月10日, 我一早大概9點鍾已經到佳記, 而家分析當日嘅情況.
1. 有人話天氣凍會有影響, 呢點我知道, 如果係呢個原因D魚唔開口佳記亦唔雖要解釋, 我絕對明白. 但當日天氣絕對唔可以話凍, 我隨身的溫度計係17-18度 (大概上午11點鍾), 我穿的只有一件短Tee + 夾棉外套, 同場穿得比較Pro的有兩位, 佢地都係穿薄身Jacket + 釣魚背心. OK, 如果你地話D魚係因為天氣凍而唔開口咁點解釋橫琴其他場當日又正常食餌呢? 我點知? 因為我都早走去咗另外兩個場睇過, 邊兩個場就唔講免鬼比人話我幫人地賣廣告. 當然亦可能會有人話我點解唔講邊兩個場, 係咪係道吹緊水, I don’t care, 因為當日有好多人係其他場釣, 佢地心中有數.
2. 佳記話個場D 咸度有同題以至大量魚死亡, 希望我們再不好說大物塘有病. 同幾位不停說佢塘有問題的人, 佢希望以後我們都不好過來釣，謝謝幾位. 如果呢句話真係出自佳記的話就真係攪笑, 原來所謂的跟進 (做緊嘢) 就係推卸責任及叫D客唔好來. 佳記你話呢次是賣魚地方的問題，你的貨原咸度跟你個塘嘅咸度唔夾就可以把責任推得一乾二淨. 原來佳記一早已經知道貨原咸度跟個塘嘅咸度有差別, 咁入貨返來D魚死咗好多血本無歸傷過我地D客人, 咁我地D客人重想點呀? 呢點我身為客人, 又話一個普通嘅人我會同情佳記, 但重點係呢D係你內部買貨嘅問題, 個塘D魚死得七七八八令到我地客人冇魚釣先致係問題所在.
3. 一句呢D係貨原問題, 同本塘無關, 你地唔好再講我個塘有問題, 你地以後唔好再來釣. 原來買貨, 驗貨, 如何處理貨原跟經營魚塘以致D魚死咗引至客人冇魚釣係獨立事件, 每一個環節係冇關係的. 哈哈!!如果呢句真係佳記講嘅話就真係可笑!! 我真係無話可說, 你以後請我來我都唔會來.
4. 如果佳記(3月十號)都未知個塘有問題咁就情有可原, 問題係我當日(1點鍾左右)親眼見佢地收泵清塘 (入門口右邊個塘), 咁即係話佢已經知道個塘有問題. 我而家針對嘅係個塘有冇活魚可釣嘅問題, 我針對嘅係如果一早知道個塘D魚死得七七八八咁點解重要開場比客人釣? 點解唔攪返好先至開? 你都知你係做生意要經營要生活唔可以停但係我地身為客人就會覺得被騙嘅感覺, 我地唔需要佳記賠償 (如今有咁嘅負面會應都唔祈望佢會做D咩嘢)但最小當日都早D話比釣客知, 等我地早D轉場唔好浪費時間.
我再次聲明, 而家唔係講我釣唔釣到魚, 有幾多魚攞走, 而係講緊明知道個塘有問題都接客比人釣嘅經營手法同道德問題, 我地身為客人遇到咁嘅看待係有權出聲的, 田田我支持你, 其他當日唔在場嘅人佢地亦有權鬧返轉頭, 佢地唔在場係唔會明白, 每個人都有發言權. 對佳記冇活魚可釣動氣好了, 其他不知實情而發偉論嘅人, 一笑吧了!
