小弟第一次南油釣行,點都要發返個帖,浪費一下大家(口既)時間
!
到達戰船已是晚上10:30,因約定船長時間未到,先黎個生日扒地啦,幫船務總管"維哥"慶祝生日
,
佢又回敬返我地章紅刺生,真係未出發先興奮
.
到達釣點已是十六小時後,首先電攪聲此起彼落,但係魚口極差
,冇咩驚喜,過程中有池仔大軍進場,
亦引起一陣騷動,但佢地好精口
,當十幾隻南極蝦落水,只係剩下一隻冇魚幫襯(就係有鈎嗰隻)
,
因第一次南油作客,對工具上未能完全了解,帶了全家最重火嗰支船竿(80-270)請勿見笑,自知之名下,用左5號線腳放流,
(同其他釣友剛巧相反,希望D魚唔好咁大啦!),出手150m左右,收線30-40m即有魚就餌,馬上秒殺攻魚
,
點知係數秒被殺,如是者連斷三口
,換上80磅腳再試,一於要魚唔要竿,第四口又中啦,經半小時被強爆
三次的心情,我頂,但還在不斷出線,收極都係同一個顏色,突然一個釣手跳上船邊欄杆
,好似蜘蛛俠咁,
踎係欄邊,一手幫我較緊磅頂,一邊大叫追絲呀!都唔知玩左幾耐,我得咗啦!定一定神,多謝蜘蛛俠先!哦...
原來個蜘蛛俠係"仲哥",真係多得佢唔少啦
!
總括這個釣行,電攪失去90%作用,只有六口似樣(口既)線,上得1.5條,被劫走半條,雖然魚獲慘烈,但全程在歡聲中渡過
.
費話講夠,去片!
[ 此帖由看海在2012-08-11 04:47重新修改 ]