查看完整版本: [-- 絕處逢生@新場爆釣 --]

-> 圍釣 塘釣 台釣 -> 絕處逢生@新場爆釣 [打印本页] 登录 -> 注册 -> 回复主题 -> 发表主题

<<   1   2  >>  Pages: ( 2 total )

Honfer 2007-09-27 00:00

絕處逢生@新場爆釣

受到台風的影響,最近天氣總是反反覆覆,一時吹大東風,一時吹大北風,而且還下了幾場大雨,在這麼不穩的天氣,往往不宜遠行,但是難得放假,釣魚人都總是想出去釣一下魚,而橫琴的收費塘,往往就成為釣友眼中的綠洲,可是某些因素,釣塘收獲己大不如前而且十分不穩定,有時釣一天也是白果,洗了錢又浪費了寶貴時間,解釋原因往往不就是那些水淡或是東風問題,而最近這些反常的天氣,也是塘釣食白果的先兆,綠洲己經令到我們這一群怕怕。

  最近在網上聽聞一個新塘,不過一睇,一百蚊一小時,但係可以回收魚wo....3kg仲以高價回收,結果我就同xt做先頭步隊,在開張個日就去看一看到底是怎麼樣的,一到步就看見人家係咁抽係咁抽....我從來都未見過釣塘可以咁誇張,每個人不停咁中,原全無停過,衡量過玩得過就即場開竿分時段咁玩左三個鐘,係呢三個鐘入面我先真正知到咩叫做爽,可以話每一竿或者隔一竿就中,好多時一落個落己經接住,我同xt頂魚頂到手都震,雖然全程都沒有釣到可以高價回收的魚,但以每斤6蚊回收後我們還有餘........簡單點說就是不用錢爽足三個鐘....到底他們是怎樣經營...於是我就和他們談起來了....原來他們是台商...他們在台灣己經攪了差不多百多個這種釣場...而且都相常成功...現在打算將這種經營方法帶到廣東試一試.....而橫琴就是他們第一個試辦地點....再問之下得知他們原來是做魚批發..廣東大部海魚都是他們養殖...而橫琴塘放的魚也是它們養的...所以他們放魚成本低...自然不怕放魚.....但過後的釣況又會變成怎樣???

  今日放大假,一班朋友聽完個日爆釣情況,都好想去見識見識,於是就早早計劃係今日一大清早出發,途中撞到兩名迷途小羔羊,就順手牽羊,車門一關,隨即出發,係途中我地就不斷談論,因為今日天氣真是差得很,大東風加上落完大雨水淡,而且正常情況下應該無開張個日咁好況,但我們估計今日也不會差太遠,就算釣不夠魚回本,最多回收後可能要付幾十蚊一個鐘,釣幾個鐘也是等於平常釣塘的價錢,但是誤樂性大很多,而且是按鐘計算....不是迫你釣一天8小時就收你8百蚊

  到市場買了些釣餌後直飛釣場,一下車...看到釣友門的竿也是彎的,大家都興奮到快受不往了,決定立即開竿作戰,而我今天做記者,所以6 個人開了4枝竿,還有一個做魚童,計時開始,他們每個人都向塘裏拋出第一竿,在這種地方釣魚是非常講究釣者技巧、弓魚、上魚和解魚的速道以及同伴互相的合作精神,因為分秒必爭,肥仔是第一個中魚,而他們也接二連三地中魚,忙到不得了,依我觀察所得魚的咬餌程度也跟之前差無幾,絕對可以說是瘋狂大咬,不一回就釣爆幾個籮,想不到這樣的天氣,這樣讓人日拉夜拉也這樣密口,主要就是放得多魚,夠密度的原因,而相反大家都明白了。春春從開始就一個人走到另一處作釣,我就過去看一看情況,特然看見他中了一口線魚是有意識地向水車裏跑,而拉力也很強,經過一番人魚大戰,看到了鮮紅色的魚影,對了.....那就是3kg 的大紅鮪....氣氛特然緊張起來,一切都己經準備好,魚慢慢游近,我手上的魚鉗也拉開了機關,看準時機鉗住魚嘴,即時鬆一口氣,除即看一看磅數,3.6 kg......嘩.....今次大家慢慢釣都吾驚le......有左呢條魚...大家放低心頭大石,釣友如果釣到大魚要立即到櫃台前驗證回收才有效,而在場更會有專人幫你拍照並放到公布板上,真是專業,有魚釣的時間過得特別快,一小時就這樣夠了,估計魚獲應該不少,結果一出....每人平均釣了10 kg魚,按斤計己經打成平手,而且肥葉和肥仔合共上了3 條班,班也是按特別魚回收,再加上那條3kg 紅鮪,所以就決定豪一豪,包車出去食個中午飯先,而剛好我們早上買的釣餌也用光了,所以要找一個有魚餌買又有得食飯的地方--半日閒,一落車就見到目標魚餌,即刻留番2 斤(結果到中午都不夠用),今餐有人請,就食好d le....我除左比賽之外都未試過釣塘中午有咁豐富,因為平時都要係塘到死磨難磨,諗番起真係.....唉......食飽飯之後....電話一響....又一名小羊要加入戰團


原來這位新團友係生哥 , 食過飯後 – 因為大家都想下午去玩多一小時 , 因為實在太密手 , 好小塘可以比到le 種感覺我地 , 而且生哥咁岩剛剛到了橫琴關口 , 立即叫司機飛過去兜埋生哥先 , 見到生哥未上車跑緊過尼已經”發發”聲 , 見到生哥興高彩烈ge樣一定係毒癮勁深 , 時間過得很快 , 司機玩完個秋名上路後好快就到左我地目的地龍景釣魚場啦,一入進門口職員就再向我們打個招呼,有說有笑,因為生哥毒癮實在太強勁,只係睇是解不到毒,只會令毒氣攻心,走火入魔,最好的更治方法就是立即開竿作釣

好!! 我自己本身今日是來做記者, 但一早見大家揪得這樣過癮, 下午我也把持不住,又去玩番一個鐘,大家都準備就緒之際,點知肥仔話唔釣 , 話要做一個professional ge魚僮咁話 , 仲話要挑戰1揪6 ge之味 , 壯士們包括 我, 春春, 宮本, 生哥, 細奇, 肥葉 那就去同有關職員確定2點開始作釣 , 還有10分鐘時間 , 大家都各就位 , 之後大會工作人員一聲令下後,大家都開始作釣,一開始大家都各有魚訊,你一條我一條,好快就成地也是魚,只見肥仔忙過不停,東跑跑西跑跑,魚好似拾不完的那樣,一會兒後大家分散攻擊,又一次揪過不停,這條上水,一條未執好,令一條又來,不用多久就爆了幾個西

時間過得很快暫下眼就45分鐘,個個都你一條我一條,臉上總流露著說不出的喜悅,因為真的沒有一個塘可以比到我地le種感覺,有很多竿餌一下水就接住了,我們因為分散了,肥仔比之前跑得吃力,辛苦哂肥仔,時間好快就到,職員開咪說時間夠了,之後我們都一齊執拾好傢生之後,因為魚實在太多,不知道怎麼拿過去好,如果有部手推車就好了,回頭一望有個白色大垃圾膠桶,當然唔放過,將好倒進入桶內,垃圾桶已裝到不可再裝,立即合3人力量托過去,其如的就下一轉把,這桶魚重量不可睇小,一定超過100斤,真的非常之重,幾經辛苦才托了過去,再拿埋其如的過來過磅,總重量好像60幾公斤,真的不可以睇小,我們也手軟了,之後大家都坐在一各盛涼,有講有笑,大家都好開心

坐了半個小時才發覺原來入場時買了7張15的入場卷,但只可以用作釣魚用,因為肥仔頭先沒有釣,所以有一張淨,之後諗深一環,無理由浪費左張非,肥仔不如你自己一個釣,我地6個做你魚僮,e+6揪1,過好同職員講好4點作釣,一開波,肥仔係15分鐘內已經爆了3個西,肥仔都唔相信只係過了15分鐘,6個魚僮ge威力真係好勁,一個字“快”,之後肥仔仲釣到條斑斑,之後看看原來xt也來了,xt成績也不錯有雜魚和斑斑, 走過去同xt打個招呼先, 之後xt 釣完後也走過來和我們一起講笑, 時間一分一秒咁過去,已過了40分鐘,之後就到大家一齊玩7乘20分鐘接力賽,你一條我一條,這時4個西的魚已滿滿的,很快時間到了,總重差不多20kg,最好笑就好魚僮過多釣手,大家密切留意宮本所拍下的movie,回到收費處,生哥原來發現我們漁樂網的兩大釣手(高比和見血),今天時間也不早了, 我們也係時候回程了, 司機正入來接我們, 大家今日都玩得份外開心份外盡興, 也沒有半句恕言, 如果是其他塘可能正在恕天恕地, 假期約埋一大班朋友仔出去玩係最開心ge事, 可以把開心把喜悅同其他人分享, 如果只有我一個, 我情願不去好過, 玩什麼都是一樣 , 都是一大班一大班才可以盡興而歸…

Honfer 2007-09-27 00:00
上傳完畢

ckip 2007-09-27 00:06
quickly ............

小小強 2007-09-27 00:08
咁先至係釣塘嘛~~哈看來又時候出手了

宮本 2007-09-27 00:08
嗨~!!!

禁岩又見面了~ 一齊釣魚嗎?

^^

想看看如何三分中內起兩條魚以上 可以按一下這裡

sang 2007-09-27 00:09
我加多幾張相 真係好好玩

paulo 2007-09-27 00:10
今日真係絕處逢生,因為真是不是釣魚的好日子.

ckip 2007-09-27 00:11

磯民 2007-09-27 00:11
我都想去試玩吓.....

jame575 2007-09-27 00:11
哇!!!劲

偉偉偉~ 2007-09-27 00:12
好正呀,我金個星期都去玩下先~

kin8322 2007-09-27 00:12
係邊到+?????

paulo 2007-09-27 00:12
引用
引用第4樓宮本2007-09-27 00:08發表的“”
嗨~!!!

禁岩又見面了~ 一齊釣魚嗎?

^^


我地今日做左迷途小肥羊!

paulo 2007-09-27 00:14
引用
引用第8樓磯民2007-09-27 00:11發表的“”
我都想去試玩吓.....



最好請定魚僮.

黑鯛之天敵 2007-09-27 00:14


呢個背隻有點似~~~~~~

terry 2007-09-27 00:14
好似好好玩甘wo

sang 2007-09-27 00:16
引用
引用第14樓黑鯛之天敵2007-09-27 00:14發表的“”


呢個背隻有點似~~~~~~


dacky 2007-09-27 00:16
引用
引用第5樓sang2007-09-27 00:09發表的“”
我加多幾張相 真係好好玩


戈時一個人釣 6個人魚僮喎..........   幾誇張 ^^



不過之前又 6個人釣一個做魚僮 ............^^

sang 2007-09-27 00:19
引用
引用第17樓dacky2007-09-27 00:16發表的“”


戈時一個人釣 6個人魚僮喎..........   幾誇張 ^^


.......

肥魚僮

paulo 2007-09-27 00:20
簡直係前在未有,勁過今江克隆~~~~

dacky 2007-09-27 00:22
引用
引用第18樓sang2007-09-27 00:19發表的“”

肥魚僮


戈時成地魚 , 肥仔未停過.....^^ ...............







~ 肥仔辛苦啦 ~

黑鯛之天敵 2007-09-27 00:22
引用
引用第16樓sang2007-09-27 00:16發表的“”



哈哈~~~~佢有批文咩~~~~

肥仔 2007-09-27 00:27
引用
引用第18樓sang2007-09-27 00:19發表的“”

肥魚僮

你話邊個呀??

ckip 2007-09-27 00:29
引用
引用第22樓肥仔2007-09-27 00:27發表的“”

你話邊個呀??

應該係講野戈個LO~

肥仔 2007-09-27 00:30
引用
引用第20樓dacky2007-09-27 00:22發表的“”


戈時成地魚 , 肥仔未停過.....^^ ...............


.......

唔辛苦~~
到最後有六個魚僮俾我洗 , 都不知幾爽~

zoo 2007-09-27 00:32
引用
引用第24樓肥仔2007-09-27 00:30發表的“”

唔辛苦~~
到最後有六個魚僮俾我洗 , 都不知幾爽~


paulo 2007-09-27 00:32
引用
引用第24樓肥仔2007-09-27 00:30發表的“”

唔辛苦~~
到最後有六個魚僮俾我洗 , 都不知幾爽~



唔怕六個服侍一個,最怕一個服侍六個!

dacky 2007-09-27 00:33
引用
引用第24樓肥仔2007-09-27 00:30發表的“”

唔辛苦~~
到最後有六個魚僮俾我洗 , 都不知幾爽~


你簡直就係食緊殘廢餐啦.......^^   解魚 , 放魚 , 上餌 都唔洗自己做.......  

尾長 2007-09-27 00:33
[quote]引用第12樓paulo2007-09-27 00:12發表的“”


我地今日做左迷途小肥羊!

dacky 2007-09-27 00:36
引用
引用第26樓paulo2007-09-27 00:32發表的“”



唔怕六個服侍一個,最怕一個服侍六個!


最好笑就係我地分開左兩邊 , 肥仔係咁跑 , 睇尼le 項運動真係可以減到肥 哈哈 ^^

肥仔 2007-09-27 00:38
引用
引用第27樓dacky2007-09-27 00:33發表的“”


你簡直就係食緊殘廢餐啦.......^^   解魚 , 放魚 , 上餌 都唔洗自己做.......  

上餌要自己黎 ga~~

paulo 2007-09-27 00:41
引用
引用第30樓肥仔2007-09-27 00:38發表的“”

上餌要自己黎 ga~~



咁不如下次幫你上埋餌中埋魚先俾你抽囉!

快攻仔 2007-09-27 00:43
咁如果得我一個人去,一個鐘100,一斤收六蚊,一個鐘要釣十七斤,如果每條一斤的話平均飛兩口中一口的話就係飛三十四下,即兩分鐘內要飛夠兩下,包解鉤,養魚,難度都幾大,咁邊個同你計時,同點計時,一見人中魚就開始釣一個鐘?平均一條魚係幾大?釣餌又包唔包,入面有冇野食咁架?

ncc 2007-09-27 00:55
魚呢??
多d 相啦!!!

Honfer 2007-09-27 00:58
引用
引用第32樓快攻仔2007-09-27 00:43發表的“”
咁如果得我一個人去,一個鐘100,一斤收六蚊,一個鐘要釣十七斤,如果每條一斤的話平均飛兩口中一口的話就係飛三十四下,即兩分鐘內要飛夠兩下,包解鉤,養魚,難度都幾大,咁邊個同你計時,同點計時,一見人中魚就開始釣一個鐘?平均一條魚係幾大?釣餌又包唔包,入面有冇野食咁架?



有專人提你幾時夠鐘,而一個鐘可以釣到幾多魚同難度大吾大...就好睇個人

肥仔今日一枝竿一個人一個鐘釣了差不多20kg ge 魚 即40斤x
不過呢d 都係好數字化ge 野....真係要用平常心去睇...
其實吾一定要釣夠17 斤魚ge.... 如果釣一個鐘吾夠數要比幾十蚊出泥...都己經行幾十口線..都己經好過引le...
比少少人地淨都好呀......咁平時去釣塘都要比錢架le

不包釣餌....有即食麵

dacky 2007-09-27 01:01
引用
引用第32樓快攻仔2007-09-27 00:43發表的“”
咁如果得我一個人去,一個鐘100,一斤收六蚊,一個鐘要釣十七斤,如果每條一斤的話平均飛兩口中一口的話就係飛三十四下,即兩分鐘內要飛夠兩下,包解鉤,養魚,難度都幾大,咁邊個同你計時,同點計時,一見人中魚就開始釣一個鐘?平均一條魚係幾大?釣餌又包唔包,入面有冇野食咁架?


攻仔兄 :
要買非入場 , 例如你要求釣一小時 , 例如 mark 兩點開始 , 3點自自然然會有工作人員開咪叫你停
你可選舉釣多少小時都可以 1個鐘不送 , 兩個鐘送10分鐘 , 3個鐘送30分鐘
平均有大有細由唔夠一斤到2斤幾 , 有上更大
釣餌不包 , 要自己買 , 釣餌魚場有售
好似有麵食 , 有野飲  

dacky 2007-09-27 01:05
早知你回我唔回啦

paulo 2007-09-27 01:07
將一天所發生既事濃縮為一個鐘,可以省掉不少時間,且成功感好大.不是可以用金錢去衡量的.

快攻仔 2007-09-27 01:13
咁我即係一入場就要開始釣,一話我可以睇到三點鐘魚開口,我買飛咁得唔得。
dacky說得對,剛剛賭完錢,只係識得計返本,唔記得左平時釣魚都要比錢。
其實一個鐘釣到十多斤都可以接受了,三個鐘都夠晒皮了。如果真係咁好彩有多魚都帶走,比小小錢佢收下都要。

dacky 2007-09-27 01:15
我覺得唔需要過份追求 , 抱住去玩ge心態去就最好 , 唔洗擔心任何野 , 釣到回到本當然是好事 , 但回不到本都未嘗唔係一件好事 , 因為一個小時真的可以行很多口線 , 將平時釣塘釣全日所行線ge次數濃縮為一個鐘裡發生 , 就算蝕小小我都覺得係直得 , 你會覺得戈一個鐘頭過得非常之充實 ^^

dacky 2007-09-27 01:21
引用
引用第38樓快攻仔2007-09-27 01:13發表的“”
咁我即係一入場就要開始釣,一話我可以睇到三點鐘魚開口,我買飛咁得唔得。
dacky說得對,剛剛賭完錢,只係識得計返本,唔記得左平時釣魚都要比錢。
其實一個鐘釣到十多斤都可以接受了,三個鐘都夠晒皮了。如果真係咁好彩有多魚都帶走,比小小錢佢收下都要。

不是我 , 是康師傅.....^^

快攻仔 2007-09-27 01:25
引用
引用第40樓dacky2007-09-27 01:21發表的“”

不是我 , 是康師傅.....^^

係喎,唔好意思,搞錯

高比 2007-09-27 01:31
引用
引用第21樓黑鯛之天敵2007-09-27 00:22發表的“”


哈哈~~~~佢有批文咩~~~~


係我教壞佢.....

路亞添 2007-09-27 01:41
可不可用lure和 虫虫.有什麼魚種?
我要釣處女大塘

見血方休 2007-09-27 01:46
琴日釣塘蕉咗,臨走個事頭婆仲好宛息咁講:【唉!今日唔知做乜鬼D魚全部都唔開口】
我諗佢個心笑緊:【傻仔,個塘無落魚梗係釣唔倒啦】

路亞添 2007-09-27 01:49
新塘的魚eat什麼,有電話嗎?一 至日都開嗎?

zoo 2007-09-27 02:47
引用
引用第44樓見血方休2007-09-27 01:46發表的“”
琴日釣塘蕉咗,臨走個事頭婆仲好宛息咁講:【唉!今日唔知做乜鬼D魚全部都唔開口】
我諗佢個心笑緊:【傻仔,個塘無落魚梗係釣唔倒啦】

見血兄有提示嘛!

傑仔 2007-09-27 04:07
引用
引用第3樓小小強2007-09-27 00:08發表的“”
咁先至係釣塘嘛~~哈看來又時候出手了

我都去了解...過下咁....同康c苦講ga差唔多....落餌不到30秒.....het
幾時去玩下咁呀

肥田競技 2007-09-27 09:15
有無人知可以用咩釣法,假利得唔得,軟野得唔得,仲有開唔開夜水,

Ar保 2007-09-27 09:22
wa~~成班人去玩,有冇攪錯呀,可憐的我成日得一個人孤令令,咁我釣幾多魚都冇用啦,都冇人同我分享,咁我自已去街市買魚扮中魚呃漁尺都冇人知啦,橫掂用手機影得差差地都睇吾出架啦,又冇人幫我影攻魚相,吾通走去班幾條女扮係比女約咩,d女又婆婆媽媽咁阻q著晒,真係好可憐架...嗚嗚........
我吾會原諒你地架~~我要賣q晒d野~吾釣魚!!!!!!!!!!!


查看完整版本: [-- 絕處逢生@新場爆釣 --] [-- top --]



Powered by PHPWind v7.5 SP3 Code ©2003-2010 PHPWind
Time 0.022915 second(s),query:4 Gzip disabled

You can contact us