查看完整版本: [-- 難忘假期 + 水庫之旅 --]

-> 假 餌 釣 魚 -> 難忘假期 + 水庫之旅 [打印本页] 登录 -> 注册 -> 回复主题 -> 发表主题

<<   1   2  >>  Pages: ( 2 total )

dacky 2007-10-04 02:59

難忘假期 + 水庫之旅

[hide=50]   一年一度ge國慶節本應就係一件好值得高興ge事，咁岩今年連埋星期六日差唔多有４日假期，我地都點可以白白浪費ｌｅ個咁好ｇｅ假期傢^^，原來大家都有ｄ想上去玩下，不如就搞個團啦，一問之下原來香港戈邊都有朋友想過尼玩，仲好啦，越大班人就越好玩，先前已通知佢地咁多個準備好所需ｇｅ日用品，到左星期五華仔同老二（輝哥），因為買錯左星五ｇｅ非唯有早ｄ過尼釣魚啦^^，６點半左右康師傅和小強就過碼頭接華仔佢地船，咁戈晚兩兄弟就過左尼先，先去康師傅屋企安頓好ｄ行李，再出尼食飯，夜晚就唔洗講帶佢地出去釣下魚啦威下，都好第一晚都有得咬but咬唔中，玩到兩點幾就回去睡一睡先，明天由康師傅帶佢地過大陸釣魚，詳情大家應該都看到貼子，在這裡不用多說，回來後再帶他們走偏各釣具店fall水，今次一共有４名香港朋友過尼，令外兩名分別就係(阿濤和jpfish)星期六下午８點１５分一齊到澳，到了咁上下時間就由我和肥仔去接佢地船，先帶阿濤同jpfish落去同大家打個招呼先，最後fall左小小水^^，錯過了場煙火真係可惜，但唔怕星期一還有一場，後尾就一大班人齊齊落康記食飯打邊爐，有傾有講幾開心，今晚阿濤就住係我屋企，而jpfish就住係肥仔屋企，食過晚飯後各人先番屋企安頓好ｄ大件行李，再執傢生出去釣魚拖鱸，而華仔佢地就由康師傅同阿保分別帶隊分頭行事，今晚成績算不錯基本上個個都有條上水，只有jpfish有一口咬不中，體型都算很不錯，而華仔佢地戈邊都有一口上水，算係幾密口的一晚，因為都釣到成兩點幾而第二日一早又要釣魚，ｓｏ齊齊番屋企執定ｄ野。



我戈晚執完野之後就同阿濤傾計傾天光，不過最後都係頂唔住訓左４個字^^”，好啦一大清早接到小龍電話，原來已到了，我地係第二快，之後陸陸續績有人尼，等左好似３０分鐘最尾戈個就唔講啦^^ he he ~ 點齊人頭之後行得，經過短短３個字時間就過了關，今次人數有１２人，有我，阿濤，康師傅，華仔，輝哥，肥仔，jpfish，宮本，小龍，傑仔，水哥，阿保，一行１２人浩浩蕩蕩出發，因為人數太多關係ｓｏ先前已托了康師傅約好兩部車，第一站先入白籐頭買餸，再買食物買冰買水，因為大家都怕天氣炎熱關係，係白籐頭買了兩個大發泡膠箱用來雪野飲，買買下咁就係白籐頭買左幾百蚊野，又野生一田雞１０幾隻，菜，大量粟米，蕃薯，馬鈴薯，仲有芋頭，今次連石紙同燒烤叉都有買，仲有一大堆口垃圾，經過唔夠一個小時ｇｅ車程就到啦，因為尋晚個個都無咩點訓過，一上車就大攪訓，落到車後個個都心沃沃想快ｄ開竿出船，先交低ｄ餸比兩個塘佬，之後大家都快手快腳開竿，初頭阿濤先做步兵，jpfish和小龍就隨後，不久名濤就傳來中魚的魚訊，原來連中兩條小bass，應該都有２０多ｃｍ。



之後我就同水哥出去boat game先，因為太大風ge關係，爬起船上尼有點兒吃力，我同水哥就續個內灣位一個個咁釣，我同水哥有好多竿都有加洲追，總係得個睇字，去到第二個內灣位水記隻minnow一下水就比條生魚”行”住，跟隨了一會後都唔咬，之後第二竿隻假餌一落水就即中啦，hit !! 條生魚用最快速度即沖入草位，最後就緊係脫勾啦^^，之後一路行一路釣，有竿投左入ｄ草邊，有兩條黑豬沖出尼一路“行”住又唔咬，之後去到最後一個灣位，隻船一進入個灣水哥就見到有條大BASS，可能係隻船一路行戈時個船頭一路沖炸開左ｄ水花嚇親佢啦，因為個灣水都有番咁上下深淺crank可能起唔到作用，就換隻深小小ge Crank 試下，投左幾竿之後有一竿收到埋來時有兩條白白地色ｇｅ野追埋尼，睇真ｄ原來係條大非，真係好鬼賤，想咬想咬又唔咬，之後水哥用crank都咬左下但唔中，之後我隻crank收到一半，突然傳來魚訊上水原來又係ｄ豬墨魚，因為時間都差唔多啦，都係時候番去食飯啦，嘩．．．考驗就尼啦，出船戈時就爽“因為順風”，番去戈時正正就食到應一應，我地兩個好用力咁爬同ｄ風都好似打個和咁，隻船唔多點沃過，咁ｇｅ情況無辦法啦只好死頂，之後唔知用左幾耐先爬到番去，手都痛爬到，之後食過飯後再玩過。




食完飯肥仔好似同傑仔一船，阿濤就同jpfish一船，我就無出到啦，入岸邊玩，華仔佢地下午就係霸邊玩台釣，不久後連中兩口，一口大頭，一口白鰱，睇見就過癮^^　哈，上到水都唔細喔，都有成幾斤重，影完相就放番佢落水，之後阿保係到玩ｆｌｙ都有釣到加洲，用ｆｌｙ釣加洲真係幾過癮，宮本輝哥小龍個個都有中魚，魚種多為大羅非，火口，白鯽，鯉魚，紅鰭鯽，日落西山，兩隻艇一隻接住一隻回岸，回岸後都聽到仲到生魚和加洲的消息，之後大家都坐到霸邊一路釣魚一路傾計，我就手多多囉支假餌竿過尼ｆｉｔ下先，霸邊都幾深，就囉隻深小小ｇｅ CRANK仔試下，釣左十幾竿，天都快黑盡了，就係ＬＥ個時候突然傳尼魚訊，感覺咬埋尼幾輕口，一中之下成條魚飛左上水，一望之下“Ｅ”幾長又扁扁地ＧＥ，初頭以為白鰱，望真Ｄ個身有點ＧＥ，唔係喎東洋刀尼個喎，戈時心情幾興奮，估唔到可以釣到放落去ＧＥ東洋刀，之後好不幸好幾個交手就甩左，雖然甩左有Ｄ可惜但係都仲係好開心，起馬知道東洋刀成功左，其實之前係其他位都見過佢上尼換氣，放落去戈時只有１０幾ＣＭ．幾個月Ｅ＋就大到４０幾ＣＭ，之後一直都無魚訊啦，入夜後大家都聚集係霸邊玩台釣，熒光棒當然唔少得，一陣之後就搵個地方起爐玩下火燴下野食先，初頭宮本，肥葉，小龍做先頭部隊囉Ｄ柴枝出尼起左個爐先，再搵Ｄ大柴枝燒一層散炭係底，一會兒後將蕃薯落下，再用石紙包好馬鈴薯，整理好後，再加柴一路燒，一大班人就好似搞緊一個大營火晚會咁，有講有笑真係幾開心，仲有好難得可以咁大班ＦＤ咁齊人，之後記得原來有燒烤叉即刻囉尼叉粟米燒，有幾次仲燒到條粟米著火　^^ 哈哈 ~ 一路食一路燒，幾個鐘後就燒哂Ｄ野食，原來時間都唔早，成１２點幾，執好哂Ｄ野之後，華仔，阿濤同康師傅就去左玩台釣，我就一點左右訓左，佢地就玩到差唔多天光５點鐘先番尼，原來有魚釣真係唔會眼訓，之後聽佢地講好似話夜晚爆釣。




時間過得真快，我地間房６點鐘個個ｄ手提鬧鐘就響過不停，原來個個都有意識出去釣個晨水，但係醒唔醒到又係一個問題，因為床位唔夠，只有８個床位ｓｏ好幾個就要斷背，可能我同水哥訓ｇｅ關係啦，我醒之下水哥也醒了，因為大家尋晚臨訓前都有個約定，之後就見ＪＰ起身，原來傑仔仲早，以經釣緊，仲用隻ＰＥＮＣＩＬ仲到加洲ＴＩＭ，阿濤訓左幾個鐘又起身一齊出船，今朝分兩隻船，我同水哥一隻，阿濤同ＪＰ一隻，一早又係鬼咁大風，唔洗爬都吹得沃，我同水哥入左第一個灣釣，釣左陣又落起雨尼，我就同水哥把心一橫不如今日唔釣魚，又大風又落雨，不如一齊去幫個水庫整Ｄ障外物，泊好船後就同水哥夾手夾腳台Ｄ樹頭大樹桿樹枝做Ｄ靚位，做左好幾個之後，我地決定番去搵救兵，因為兩人之力－力量有限，番到去佢地都仲未醒，唯有係霸邊一路釣一路等啦，等到１０點左右，因為傑仔同宮本一早有事要走先，同佢地say個good bye後，計續我地個行程，原來個個都差唔多醒哂，一陣後可以出發，我，水哥，阿保，小龍，康師傅，肥仔幾個人就一路行一路執野做景，今之水哥同阿保就負責水底擺設ＬＥ一個環節，其如Ｄ就負責人力資源部，幾經辛苦就搞好左幾個位，幾辛苦都係值得，之後大家都決定回程，阿叔話差唔多熟好飯，阿濤佢地番尼聽佢地講都有中到加洲同生魚，今餐都幾豐富，有雞，魚，菜，肉，蛋糕，湯，大家都食飽後，休息左一排就落去游水，因為天氣太熱啦，因為今日約左４點鐘車，未夠４點大家就開始執野，不經不覺車到了，經過數小時，６點幾就到了澳門。




番到澳門先陪華仔同ｊｐ佢地去買手信先，因為佢地３個今晚答夜航走，jp就10:45 華仔就02:30 ，買好手信再陪佢地去睇國慶煙花，睇完煙花後，因為jp10:45船關係，拿拿聲搵間飯店好讓ｊｐ食ｄ野先走，時間過得真快，話咁快ｊｐ就夠鐘走，同大家講聲ｂｙｅ　ｂｙｅ後，肥仔就車ｊｐ出碼頭先，等肥仔回來後，因為華仔０２：３０船仲有ｄ時間，想話再去拖下鱸咁，哈哈　～　不過天公不做美，戈晚起馬有６－７級風，好勁，又大浪又大湧，最後一口魚訊也沒有，最失望的應該是輝哥　^^ he he ~ 時間都唔早啦，先番去執好行李準備回港，同華仔ｓａｙｂｙｅ後我就車阿濤番屋企先，華仔同輝哥就由肥仔同康師傅車，華仔佢地應該幾爽，６－７級坐夜航應該幾過癮，我就同阿濤番左屋企沖左個涼，因為阿濤聽日先走，所以話想試下釣澳門ｇｅ晨水咁話，之後都訓左有幾個鐘，一早起身刷個牙，就出左去ｆｉｔ左幾竿，因為都幾大風，唔知係咪大風關係呢，咁都有得咬下，咬左好幾口都咬唔中隻假餌，之後決定收野，阿濤話想去買手信，之後索性特登過氹仔買啦，順便可以帶阿濤去試下好出名ｇｅ莫義記大菜糕，我同阿濤都一人食左兩個唔同味，仲買左幾個過ｈｋ做手信ｔｉｍ，行埋入鉅記買左一大袋之後，番澳門帶阿濤去買左ｄ絲之後就叫埋肥仔同小強出尼食中午，食完個中午後，好景不常落起大雨尼，等左一陣停左雨，先車阿濤番屋企執行李先，執好行李後出碼頭買非，好似打仗咁一袋二袋，成３點幾，拿拿聲飛去碼頭睇下趕唔趕到４點船，去到碼頭真係趕到，仲有１５分鐘淨，阿濤買左非後，先同阿濤道別，下次有機會再一齊玩過，唔知點解好像有種說不出的話，係ｌｅ個假期過得非常充實、非常難忘、非常之有意義、係假期裡面可以同一大班朋友仔出去四維玩，真係覺得份外有意思，唔知幾時再有下一次呢　～　


第一次更新 , 仲有d相係康仔到[/hide]

海狗 2007-10-04 03:04

肥田競技 2007-10-04 03:36
我都好想去阿,但係成日都唔岩時間,做左一年會員都未去過,真係有d可惜

Ar保 2007-10-04 04:26
引用
引用第2樓薄荷鰻於2007-10-04 03:36發表的“”
我都好想去阿,但係成日都唔岩時間,做左一年會員都未去過,真係有d可惜

遲d同你補返數啦~~真係吾洗急架,因為d魚只會越來越大同多

zoo 2007-10-04 04:43
令人羡慕的假期!

achong 2007-10-04 07:58

黑鯛之天敵 2007-10-04 08:08
應該唔止咁少相wor~~~~

亞旦 2007-10-04 09:30
開心！

巴士鱸 2007-10-04 09:39

攪兩攪 2007-10-04 09:43

阿B 2007-10-04 10:34
煙花都有．．．．．．．．．好好好玩阿．．．．．

艾域隆 2007-10-04 10:36
v

傑仔 2007-10-04 11:42
真係好好玩呀~

mac 2007-10-04 12:01
嘩...好開心咁喎....又有得燒烤....

1魚 2007-10-04 12:10
搭間別墅做渡假邨仲正

pkpk 2007-10-04 12:32
vvvvvv

terry 2007-10-04 12:34
good good

sang 2007-10-04 12:46
好正

魚魚 2007-10-04 13:01

宮本 2007-10-04 13:23
做咩有人响到拉鍚屎

路亞添 2007-10-04 13:57
正，下次我要一同去．．．

paulo 2007-10-04 14:01
玩得好開心咁喎!

wyman 2007-10-04 15:49
OO

KeLvInFisH 2007-10-04 17:13
今次有冇玩蛇牙

surf 2007-10-04 18:26
真是一個唔錯的假期.......^^

szweipeng 2007-10-04 19:13
看看再说......

哈哈兒 2007-10-04 19:58
幾好玩 禁喎~~~~~

kcs 2007-10-04 20:54
一定好好玩ga la~~~~~

anferne 2007-10-04 23:06

宮本 2007-10-04 23:37
更新~!更新~!更新~!更新~!更新~!

men1990 2007-10-05 00:01
/???????????????????????

dacky 2007-10-05 00:39
~ 第一次更新 ~ 仲有d係康仔到

UCL2 2007-10-05 13:25

jpfish 2007-10-05 14:13

w8842038 2007-10-05 20:29
好想看~

w8842038 2007-10-05 20:30
哟西~

Demon 2007-10-06 06:04
這次應該都算係宿營再加釣魚吧!!真係幾好玩

1魚 2007-10-06 07:25
難得有這麼多志同道合的人聚集在一起~就算沒魚釣都會很開心!

barry 2007-10-06 10:02
好一班农家小孩~!

suny 2007-10-07 02:48
seesee sin

宮本 2007-10-07 12:49
更新~!更新~!更新~!更新~!更新~!
更新~!更新~!更新~!更新~!更新~!

咪咪喵喵 2007-10-07 16:58
看不见拉～～～～～～～～

咪咪喵喵 2007-10-07 16:58
看不见拉～～～～～～～～

狼來了 2007-10-08 00:41
辛苦晒la~, 打得好詳細~^^~今次我識左幾個新朋友仔~^^~

犬齒鮪 2007-10-08 13:17
wah兄弟可以出關釣魚啦？下次不是可以出國了？

wah 2007-10-08 17:09
引用
引用第44樓犬齒鮪於2007-10-08 13:17發表的“”
wah兄弟可以出關釣魚啦？下次不是可以出國了？



好難至....求到.....

lanfone_zh 2007-10-09 08:33
see see!

cutekevin 2007-10-10 16:15
好劲好劲。

slim_alan 2007-10-10 22:07
哇~~~~底褲手鋸殺人魔.....迷彩裝篇

烽 2007-10-15 00:10
qiang ~~~`


查看完整版本: [-- 難忘假期 + 水庫之旅 --] [-- top --]



Powered by PHPWind v7.5 SP3 Code ©2003-2010 PHPWind
Time 0.013076 second(s),query:2 Gzip disabled

You can contact us