下水我地再追尋大雞椅啦..我相信一定係D雞椅去錯左地方
| ymtchris | 2010-03-04 17:42 |
上川忘情島脫貧釣行[s:21]高經理吹雞, 目的地為上川忘情島, 順遂攪攪脫貧行動 - 一心想幫助吓d婦女點樣脫貧同時又攪下婦解運動咁啦... , 因為路邊社爆料, 此島經常有一, 兩萬條黃雞係度打躉, 另外, 上下川島最為人知既梗為當地著名出產既大白立啦, 好-----一於去打救佢地啦是日晚上十一時多出關, 集齊人馬, 就向目的地出發去, 經過兩個小時之車程, 在深夜的二時多, 終於到了海宴並且下榻當地著名既『好萊塢』大賓館, 價錢合理, 應有既都有, 唔應有既係絕對無既, 而且地點適中, 位於大街旁邊的冷巷的盡頭, 步行入去也只需數分鐘便可, 整座賓館還算是光猛, 也有光管照明, 樓高四層, 我地都可以住到三樓高層套房, 海景雖然欠奉也有無敵大樓景, 與鄰房只有咫尺之近, 如果在拉大便時沒有紙巾, 這時我想鄰居會給你很大的方便呀, 如果鄰居有人的話.  , 還值得一提的是, 如果釣有是覺得是明天是需要以全新形象去釣魚, 先可以精神爽利, 先可以順風順水爆釣而回, 附近也有大量能夠為你在深夜的時候為你提供改革髮型的髮社, 能夠為各釣友提供霎時之需要呀..... 早上六時半準時起身, 食完早餐就向往目的地忘情島去發去了 , 同時不幸的事情就跟隨發生, 就是當日大乾水, 要周圍咁去搵地方落船呀, 終於比我地搵到一個不是甚麼好地方, 不過要步行成十分鐘路, 還要爬落懸崖先可以成功, 不過要擔住成十幾廿斤架生連餌粉, 你都唔好話唔嘢, 真係相當攞命呀.... , 不過唔緊要, 每當諗起對面島有萬幾兩萬條有斤幾兩斤重既黃雞魚向我地揮手, 大家不禁精神大振呀..(最低限度阿高經理都係用咁既口號嚟激勵大家既鬥志呀, 有期望都總好過好得期望呀.)就係咁半個鐘頭過去, 終於到達了案發現場 - 忘情島, 一諗到萬幾兩萬條雞魚, 仲唔立即箭步上磯就開竿作釣咩, 唔係就真係蝕咗比佢呀 , 一看此釣場唔識釣魚既我也知道此處必定為一處好釣點, 釣魚好地方, 最低限度果d魚民係咁認為呀, 如果唔係佢地都唔會包住個島嚟落網啦, 仲落到好鬼接近我地添呀, 就連果個魚民掛在面上那親切笑容, 我地都望得一清二楚呀, 不過我一諗起成萬幾兩萬條黃雞魚喎, 仲有成兩斤幾重喎, 登時生猛番哂呀, 就係抱住喱個心態開始作釣與反覆作釣, 如是者, 堅持了好幾鐘頭, 心中那團火也開始謝謝地呀, 又加上是日陽光普照, 汗流浹背, 又加上在短短的幾點鐘內, 細佬比那靚靚浪花打到連老底都濕透呀, 還未乾又再濕, 心中那團火, 那個堅持就好像危樓一樣, 搖搖欲墜, 隨時有倒塌既危機呀話雖如此, 但是在旁的高經理和台灣釣手就藉著細佬一時不振(係本人一時不振, 並唔係講本人細佬一時不振呀), 居然比佢地釣咗我兩位大老牛, 本人心有不忿就同兩人理論, 我要問下佢地, 因咩樹會釣咗我D魚呀, 不過佢地都好客氣咁講, 比次機會同下次唔敢啦, 我也大方因然接受...... , 也就係咁打後果D時間佢地都唔敢釣我D魚呀, 就係咁, 無人釣我釣我D魚而我自己又釣唔到, 就為有轉位去啦......但是因為是日為大甩水, 水位超低, 最深水也不到1.5米, 真係奶嘢到不得了, 但是也就是此機會比細佬見識到, 完來三呎水果真上到大牛屎呀, 轉到新釣點後, 阿高經理就第一個發難, 起完磅頭就起斤頭, 的確唔比面, 真係無奶由呀, 我養果的魚就居然比人釣鬼哂, 真係火都嚟呀, 果真老馬發火, 非同小可呀, 不一會就比我上番條大『種』石狗公, 都叫做無打龜嗎, 緊接又收番條磅頭牛屎, 跟著D魚又比阿台灣高手釣哂, 不一會又比佢釣了三條兩斤半既牛屎......., 我就依然係度瞻前顧後, 無事忙......直到收工.... [attachment=89395] [attachment=89396] [attachment=89397] 收完竿後, 回程中就收到溫馨提示, 因為甩水太甚, 只有在山咀碼頭上水, 就如偷渡一樣, 拿好架生就一直向前行, 不要向後望, 如是者我地就拔足狂奔都唔知咩樹, 不過就在我們上水十多秒後, 後面就傳來有人用普通話大口破駡, 我地就有理無理, 比盡油較腳去了, 果真後面有一鐵騎也在狂追, 據說他們為公安, 要向我地收『陀地』喎.....  不過去到高速公路, 細佬還是未有幸看見果萬幾兩萬條, 兜兜兩斤重的黃雞魚, 全不知牠們去了那裡, 難尋芳蹤...........   |
|
總裁係得嘅 
