chansimon |
2010-05-02 09:58 |
第一次出海 - 回應中毒
繼上礼拜同Addie、阿偉去168之後琴日再组織出海目的地係上川頭灯塔,今次再加埋昌哥同榮哥玩個飽。巳約好阿虫出船,星期五晚先到銅鼓过夜第二朝6點半上船。風和日麗,風平浪靜被我第一次好感覺半粒鈡就到。話晒第一次,班大佬教路點上石同留意風浪,各人執位後我就拍住Addie個位d浪都幾大 。
上石後就开鉺粉跟手开竹睇下今日魚运如何。両粒鈡後冇魚訊太阳又異常猛烈就訓下先,矇矇矓矓聽倒Addie話釣到鯊魚就即刻起身睇睇原原係條暗丁…小心刺有毐 。有魚訊就梗係再黎过,全游動沉底就到我中條暗丁 。开齋啦,正當心情提升紧啲事候一個大浪湧埋黎成個新餌袋同撈披一齊捲左去 。好采留番一包南極虾係魚箱如果唔係就釣手指 。冇餌粉就揾船佬轉位,其間個餌袋浮面Addie用佢枝Daikoh飛出去固定個位,枝竹真係火力十足 不过都係要船佬攪掂。
揾到过冇咁潑啲位,睇住包南極虾…唉…今日都係〝龟多魚小〞 。又过左两粒鈡,Addie啲午睡時間啦 而我就繼續沉悶鈎虾仔。如事者…咦…〝中〞 ,斤两十足喎。由於上次係168啲教訓加上冇撈披,就叫醒Addie一齐合作上魚(Addie教落要魚5要竹,攞魚要紧,快感迟d再算)。Addie一路顶住條魚,到咁上下就拉埋石邊,而我就掹住d石邊執魚終於攪掂不果就濕晒(过程当然好刺激略去) 。大魚上水係條大沙鱲都應該有两斤幾,仲係钩住小小魚唇邊超好采 。大家精神大振,Addie跟住上條金古我就割两口一口5記得啪绞加條小斑斑。最後埋單成绩都5錯都有交待。
下午6點走人,各人都有收獲。咁我條大沙立梗係最粗啦,我成為今日老襯榜冠軍 。總括成個行程都ok,由於風平浪靜坐船、上石、落石都顺利。加上阿虫手船都5錯同住周圍環境更令我地有信心 。但希望佢多d關心客人咁就会梗好(因為琴日d住信号時得時5得)。
P.S. 由於繞左竹頭5知攪到技老比号半壯烈犧牲,再此向佢致敬邦我打介秀 。
回應中毒 多謝各位大大提點,其实本人巳左旧年10月第一次釣魚就巳經中左毒 。仲記得哥日連絞都未识用都釣左廿幾條手板立,你話係咪抵死啦 。從哥日起每星期都要揾人组团釣魚,就連番工开会或囉半日假都去大运河釣魚簡直short左 。不过好彩呢排蕉得多毒就冇咁易發作。所以如果要觧毒等番大東風去多幾次大运河,就乜毒都謝晒。反而我班魚友見我有大野,今日已經話要星期六再去啦。
|
|