好高興能夠參加今次咁大型既比賽.....有幸見識到咁多位高手.....我和好多在此參賽者一樣對釣場一點
認識也沒有.....非常陌生.....在高手云云當中能夠脫穎而出並非易事.....經驗尚淺的我能夠在咁多高手中取
得全場總重冠軍實屬僥倖.....多謝[釣行雙週]和[澳門漁樂網]一些工作人員默默耕耘的付出.....在此講解一
下本人比賽時候的過程........
比賽當日我和一魚叔--ericsuper1--亞虫及釣佬同一艘艇.....由於對釣場不熟識的關係.....只好聽從船家
的意見.....首先上釣位的是亞虫.....他選了一個咀位大獨石.....第2個上釣位便是釣佬.....他選了一個在靠亞
虫後面的直崖位.....第3個就是一魚叔和ericsuper.....最初我選了我的釣位給他們的.....但是比較斜.....他
們話很難上.....最後轉了旁邊的一舊不起眼的礁石上.....最後就梗係第7隊頭號隊長選位啦.....船家叫我往
前去釣內灣位......但是睇一下錶巳經是12點了.....巳經無有多餘的時間了.....於是選返那個斜斜的釣位....但
船家一而再再而三的叫我不要上.....要我去釣內灣位.....從我的經驗得知船佬越叫你去的地方越係唔好
去.....因為通常都係無魚釣的.....只係方便佢黎接你......又話水淺唔好釣.....但係我都堅持要上這個釣
位.....一心只係想上到去開好誘餌等2點再笠個位.....上到釣位後船佬竟然話呢個係好位係架.....仲叫我加
油.....難度呢個位你留左俾人地.....
上到釣位後睇下周圍咩環境先.....前面有舊7型的出水石.....但是流水漂流很多垃圾過來.....很難作釣的.....
便轉到左手邊有點內灣的釣位.....攪好誘餌開好竿巳經是12:45.....試一下水深竟然有一竹水.....前面出水
石也有4米多深.....都話左啦.....唔好聽船佬講呀.....
釣了1個多鐘.....一個似樣既沉波都無.....對講機不斷傳出邊個邊個中魚.....又話有幾多幾多斤等等.....
攪到我心裡羅羅亂.....不知轉唔轉位好.....此時流水開始有變.....前面的出水石巳經沒有垃圾了.....以我的
經驗有流水.....又有暗礁相扶.....再加上誘餌既幫助一定會有魚幫o親的.....所以都係唔笠位.....剛巧一魚叔
和eric都唔笠位.....心諗釣唔到魚都唔會怪自己.....蕉就蕉啦.....
過了半個鐘eric便傳來魚訊.....弓了30秒左右便上了一條約2斤的牛屎.....我們都興奮起來......一輪狂谷誘
餌之下.....誘餌粉便發揮了它的效用.....浮波傳來魚訊.....浮波緩緩下沉.....收緊虛絲.....待牠拉竹頭一
揪.....手上轉來有力的震動.....3兩下手勢上水.....斤頭貨色.....再過了一會一魚叔便中魚了.....目測一睇都
應該有2斤多了.....我們都興奮得不得了.....因為此時第7隊巳經有3條進帳了.....又過了一會我的浮波也傳
來魚訊.....又係緩緩下沉.....待拉竹頭一揪.....和之前那條力度差不多.....上水一看又係斤頭貨色.....之後釣
了很久再沒有魚訊了.....睇錶一看巳經4點40分了.....離收竹既時間餘下20分鐘分鐘吧.....唔通俾我釣多條
大既都唔得.....鈎下一條10多cm長的青虫.....心裡默默的想著.....俾條大既我我就收工喇.....放下去不久
便轉來魚訊.....又係緩緩的下沉.....竿頭一拉一揪.....這時手裡傳來久違了的手感.....魚像瘋狂了一樣左右
的沖.....我死頂.....收了2手打了2下8字魚上水了.....目測一看應該不少於3斤吧.....這時魚並沒有放棄逃
脫.....一直往我釣位下面的青口沖過去.....我便放了2手給它再弓.....一會兒就上水了.....上水一刻心裡在
說...[阿媽我得左喇].....到了4:55我和一魚叔他們一起收拾好東西靜待船家的來臨.....
上到岸後看看各位的釣獲都非常大.....也非常可觀.....看見大部份釣手都能釣到魚我都非常開心.....
到了磅魚的時候個個都很緊張.....唔知邊個會係冠軍呢.....邊個最大條呢等等.....但是結果出來卻令在座各
位目定口呆.....不是發夢吧.....海狗佢竟然.....竟然.....可以攞左總冠軍.....連我自己也不敢相信.....差點攪
到在座各位發生暴動.....哈哈.....成世仔最威都係今次喇.....
在此再次多謝所有幕前幕後一班不怕勞苦既工作人員.....多謝大會原善既安排.....讓各釣手都不會覺得今次
比賽係遊船河.....多謝晒咁多位........
釣竿:DAIWA ZERO 0號53
釣輪:LARISSA C3000D
釣絲:主YGK 3號...子"TODAY" 2號
釣鈎:GAMA真鯛 11號
浮波:0.5+4B水中...子線在鈎與浮波中間+粒B夾鉛
[ 此貼被海狗在2007-11-29 20:18重新編輯 ]