早兩日睇完上星期放個 d 大黃立倉之後 , 就一直心郁郁想去搞幾條返黎食 , 於是今日就特別帶埋枝封塵已久既磯竿去做佢世界 ^^ 主力針對黃立倉 , 其次為星星 , 牙點 , 等等
可惜今朝一出門口就落雨 ... 仲越落越大 ... 未到關口就已經濕左身, 好彩食完早餐後就停左 , 於是決定勇闖佳記 , 打風都唔理 ; 我地係第一批去到釣場既人 , 所以好快就同友人商量好揀邊個位先 , 我地好快就揀左閘口位黎釣 , 貪個度成日都有大物上水 , 不過第一口上水既並唔係大物 ^^ 但就係目標魚大黃立倉 , 可惜係用假餌竿中 , 有少少遺憾 , 跟住就開始不停咁甩 , 連續三四口都係咁 , 全部都係 d 唔多願開口既紅鮋係度作怪 , 食得勁假 , 跟住再中多條黃立倉仔 , 但俾佢係條樁度轉左兩個圈 , 救都無得救 .... 睇住條魚係度撞枝樁 , 但又救唔到 , 真係激氣 ~ 但與此同時 , 宮本兄係出水口位置度中到大物 , 係三四斤既大盲鬼 , 即時全場嘩然 , 咁既天氣居然中到咁大條盲鰽 ... 咩世界黎 ga !!
不過而家先開始興奮 , 因為已經落緊雨 , 仲越落越大 , 我就唯有轉玩磯竿 , 開始針對黃立倉黎釣 , 橫掂係落雨時候都廢事周圍走 , 定定地釣下魚算 ^^ 果然不出所料 , 係揼位開始有黃立倉上水, 第一個中既係快攻仔 , 見佢中得咁興奮 , 即時提高戰意 , 但自己 d 蝦點解唔多咬 , 宮本同快攻仔就咬得咁快既... 原來佢地係用秘制蝦仁 , 唔怪得咁得食 la , 快 d 打劫 d 黎用先得 , 拋落去唔駛一陣就沈波 , 抽呀 !! 不過真係好耐無用過磯竿弓魚 ... 硬係有 d 怪怪地咁 , 而且又實在頂得好辛苦 ... 隻手好累 ... 睇黎都係時候要練返下先得 ; 自從換左宮本整既秘制蝦仁之後 , 魚訊就不斷咁出現 , 只要拋到位 , 就等於中硬一樣 ~ 真卑鄙 d 黃立倉 , 好快就上左四條手板大 d 既黃立倉 , 仲有一條紅鮋 , 成個過程我地都無轉位 , 因為出邊實在落雨落得太勁 , 又涷喎 , 真係辛苦 , 跟住我地食完個面之後 , 見雨細左又有時停下咁 ,就諗住轉玩返 jighead la , 點知拋左成個幾鐘都無魚訊 .... 唯有認命返去玩返磯竿 , 點知一放落去就話中, 兩斤級紅鮋上水 ~ 原來我大物 d 魚係要係落雨先食得密口 d , 仲要擺度唔郁就最好個種 , 真唔明點解 d 魚越黎越懶 !! 唉 ~ ^^
終於都等到入黑 , 我地幾個都話釣埋最後戈口先走 , 點知個個都割曬臨尾個口 , 黑仔到呀... 想釣條埋齊魚都唔得 ...
p.s. : 今日同場既釣友 , 有位釣友就釣左兩條懵仔 , 而另外就有一位釣左兩條大星星 ... 條條都成十斤 , 點解我一條都唔中 ga ... 而且由於天雨潮濕既關係 , 只影得幾張相 , 希望各位唔好怪我得相少 la ^^ 但最開心既 , 仲係搵返 我失蹤左兩個幾月既假餌俾我搵返 , 真係要多謝佳哥幫我保管住佢咁耐 ~ haha ~~
點擊看大圖:Image00001.jpg
點擊看大圖:Image00002.jpg
點擊看大圖:Image00003.jpg
點擊看大圖:Image00004.jpg
點擊看大圖:Image00005.jpg